Kəsilmiş heyvanın içalatı hara gəldi atılıb.Ətrafa yayılan üfunətdən isə ərazidə dayanmaq mümkün deyil.
Bəzi kəsim məntəqələrində isə mənşəyi məlum olmayanheyvan ətinin satıldığı ortaya çıxdı. Görüntülər Qida Təhlükəsizliyi Agentliyinin Nizami və Xətai rayonlarında keçirdiyi nöbəti reyddəndir.
Agentlik tərəfindən təşkil olunmuş reydlərdə yerli İcra Hakimiyyəti və Daxili İşlər Nazirliyinin yerli struktur bölmələrinin əməkdaşları iştirak ediblər. Reyd zamanı satışda olan ətlərin üzərində möhürlərin olmadığı və bəzi kəsim məntəqələrində isə mənşəyi bilinməyən heyvan əti aşkarlanıb. Nizami rayonuRüstəm Rüsətmov küçəsi 72 a və76 ünvanlarında fəaliyyət göstərən ət kəsimi məntəqələrində , qida təhlükəsizliyi tələblərinə uyğun olmayan, bir sıra kəsim qurğuları icra hakimiyyəti orqanlarının nümayəndələri tərəfindən sökülüb.
Xətai rayonunda yol kənarında fəaliyyət göstərən bu kəsim məntəqəsində isəanisanitariya hökm sürürdü.Kəsilmiş heyvanların içalatı hara gəldi atıldığıondan ətrafı həşəratlar və üfunət bürümüşdü.
Qida Təhlükəsizliyi Agentliyinin Bakı regional bölməsinin rəis müavini Elməddin Quliyevin sözlərinə görə, reyd zamanı Qeyri-qanuni fəaliyyət göstərən heyvan kəsimi və ət satışı məntəqələrinin sahiblərinə sonuncu dəfə xəbərdarlıq edilib, onlara bu fəaliyyətin təkrarlanacağı təqdirdə inzibati qaydada tədbirlərin görüləcəyi bildirilib.
Qida Təhlükəsizliyi Agentliyi bir daha qeyri-qanuni heyvan kəsimi fəaliyyəti ilə məşğul olan şəxsləri qanunvericiliyin tələblərinə əməl etməyə çağırır. Qeyd edək ki,Nizami rayonunda 3,Xətai rayonunda isə 1 müasir ət kəsimi məntəqələri fəaliyyət göstərir.
