Ekozyantsdan ermənilərə sual: Vecinizə deyil?

05.06.2019 | 0 | 0

Erməni əsilli ukraynalı tədqiqatçı Filipp Ekozyantsın erməni xalqından aydın bir suala cavab tələb etdiyi yeni videosu yayılıb.


Axar.az xəbər verir ki, tədqiqatçı videoda erməni istifadəçilərdən soruşur: Biz ermənilər qonşularımızla sülh və uyğunluq şəraitində yaşamaq üçün nə etmişik?


Daha sonra tarixçi-tədqiqatçı öz sualını aydınlaşdırmağa çalışır: bu cavablar ermənilərin xoşuna gəlməyəcək və ya onlar ümumiyyətlə cavab tapmayacaqlar.


“Siz və sizin son onilliklər ərzində dəyişən hakimiyyətiniz qonşuları ilə sülh içində yaşamaq üçün konkret olaraq nə ediblər? Bir-birinizdən heç yana qaça bilməzsiniz! Siz onsuz da qonşularınızla yaşayacaqsınız. Variant yoxdur. Yoxsa yenə harasa gedəcəksiniz? Rusiya və Amerikada yeni kilsələr tikəcəksiniz? Özünüz seçməlisiniz”, - Ekozyants bildirib.


Daha sonra tədqiqatçı Dağlıq Qarabağın mənsubiyyəti məsələsinə toxunub:


“Daha bir sualım var: hər yerə Dağlıq Qarabağın Ermənistana məxsus olduğunu bəyan etməyinizdən belə nəticə çıxarmaq olar ki, beynəlxalq ictimaiyyətin fikri vecinizə deyil? Bu sizi maraqlandırmır? Axı bütün beynəlxalq təşkilatlar, o cümlədən BMT Dağlıq Qarabağı Azərbaycan Respublikasının ərazisi kimi tanıyır. Siz isə hökumət səviyyəsində deyirsiniz ki – yox! İndi isə məntiqi bir sual: əgər beynəlxalq ictimaiyyətin fikri vecinizə deyilsə, o zaman niyə elə həmin beynəlxalq ictimaiyyətin erməni “soyqırımı”nı tanımasına nail olmaq istəyirsiniz?”

Nə düşünürsən?
Yüklənir...