Dünən Kann Kino Festivalı çərçivəsində çoxdan gözlənilən "Bir dəfə Hollivudda" filminin təqdimatı keçirilib.
Publika.az xarici mətbuata istinadən xəbər verir ki, Kventin Tarantinonun rejissorluğu ilə çəkilən ekran işi 1960-cı illərin sonlarında aktyorun və onun dublyorunun böyük kinoya gəlmək arzularından danışır. Baş rollarda Hollivudun ən yaraşıqlı aktyorları Bred Pitt, Leanordo Di Kaprio və aktrisa Marqot Robbi çəkilib.
Təqdimat mərasimində ekran işinin yaradıcı heyəti ilə yanaşı digər məşhurlar da iştirak edib. K.Tarantino isə gecəyə həyat yoldaşı Daniela Piklə birlikdə gəlib.
