Müğənni Çingiz Mustafayev İsraildə İtaliyanın “Eurovision” təmsilçisi Mahmudla görüşüb. “Qafqazinfo” xəbər verir ki, hər iki ifaçı Təl-Əvivdə poskard çəkilişi zamanı bir araya gəliblər.
Hətta onlar müsabiqə mahnılarını ifa ediblər. Çingiz və Mahmudun sözügedən görüntüləri yarışmanın rəsmi “Youtube” səhifəsində yerləşdirilib.
Çingiz də instaqramda fotolar paylaşaraq görüş barədə belə şərh yazıb: “Çəkilişi zamanı bu gözəl dostumla tanış oldum. O, mənim “Truth” mahnımı cover etdi və mən də onun “Soldi” mahnısını bildiyim az italyanca ilə “cover” etməyə çalışdım”.
