Nazir Kəmaləddin Heydərov Qubada vətəndaşları qəbul edib
Azərbaycanın fövqəladə hallar naziri Kəmaləddin Heydərov Quba rayonunda vətəndaşları qəbul edib.
ONA-nın şimal bürosunun xəbərinə görə, qəbulda Quba, Qusar, Xaçmaz, Siyəzən və Şabran rayonlarının sakinlərinin və həmin rayonlarda məskunlaşan məcburi köçkünlərin müraciətlərinə baxılıb.
Fövqəladə hallar naziri tərəfindən qəbul edilən vətəndaşların müraciətlərinin bir çoxu yerindəcə öz həllini tapıb, bir sıra məsələlərlə bağlı qanunvericiliyə uyğun zəruri tədbirlərin görülməsi barədə aidiyyəti strukturların rəhbərlərinə tapşırıqlar verilib.
