Ermənistan Müdafiə Nazirliyi Azərbaycanla sərhədin yaxınlığında artilleriya anbarlarının tikintisi haqqında görüntüləri dərc edib.
Publika.az xəbər verir ki, süjetdə raket-artilleriya silahları üçün yeni anbarların təhlükəsizliyinin xüsusi sistemlərlə təchiz edildiyi qeyd edilir.
“Mənbə qeyd edir ki, anbarların mövcudluğu döyüşün aparılması üçün daha əlverişli şərait yaradaraq döyüş sursatlarının çatdırılması vaxtını azaltmağa imkan verir. Anbarların yerləşdiyi yeri və mühəndislik işlərinin seçimi onların təhlükəsizliyini və maskalanmanı tamamilə təmin edir”, - erməni KİV-i bildirib.
