Hacıqabul rayonunda baş verən avtoqəzada 3 nəfər xəsarət alıb.
“Report”un Mil-Muğan bürosunun məlumatına görə, hadisə Bakı-Qazax magistralının Hacıqabul rayonunun Atbulaq qəsəbəsindən keçən hissəsində qeydə alınıb. Əsgərov Şəfa Təyyar oğlunun idarə etdiyi “Mercedes” markalı 90 HH 150 dövlət nömrə nişanlı avtomobil yoldan çıxaraq yüksəkgərginlikli elektrik estakadasına çırpılıb. Hadisə zamanı 3 nəfər ağır xəsarət alıb. Xəsarət alan şəxslərdən biri Bakı şəhərinə, digər 2 nəfər Şirvan şəhər xəstəxanasına yerləşdirilib.
Hadisə yerinə FHN-in n xilasediciləri cəlb edilib, avtomobildə sıxılmış yaralı sərnişin xüsusi avadanlığın köməyi ilə çıxararaq təcili yardım xidmətinə təhvil verilib.
Xəsarət alan şəxslərin adları dəqiqləşdirilir.
Faktla bağlı araşdırma aparılır.
