Ötən gün Hindistanın Mumbay şəhərində dövlət xəstəxanalarından birində baş vermiş güclü yanğın nəticəsində ölənlərin sayı 8-ə, xəsarət alanların isə 145-ə çatıb.
Ölənlər arasında 6 aylıq uşaq da olub. Yaralılardan 28-nin vəziyyəti çox ağır qiymətləndirilir.
Bundan əvvəl hadisə zamanı 6 nəfərin öldüyü, 108 nəfərin xəsarət aldığı bildirilirdi.
Yanğının dəqiq səbəbi hələ məlum olmasa da, ilkin ehtimala əsasən havalandırma sistemində qısa qapanmadan baş verdiyi deyilir.
