Müğənni Nura Suri iddialı açıqlaması ilə yeni qalmaqalın təməlini qoyub.
Axşam.az-ın məlumatına görə, sənətçi "Şou news"a açıqlamasında bildirib ki, son beş ildə ən bahalı klipi özü çəkdirib. O, "Brilliantlar"ın son 5 ilin ən bahalı klipi olduğunu deyib:
"Xoşum gəlmir geyimin qiymətini açıqlayanda. Zəhləm gedir belə şeylərdən. İşə baxın, maddi tərəfinə yox. Keyfiyyət tərəfinə qiymət verin. "Brilyantlar"ın rekordunu qıran olmayıb. Getsinlər onun kimi klip ərsəyə gətirsinlər, o qədər xərc çəksin, gəlib desinlər. Hələ onu keçən olmayıb, 5 ildir.
Gürcüstanda çəkildi. Hollivud filmlərinin kopyasını çəkmək, geyimləri tikdirmək, komanda ilə Gürcüstana getmək asan deyildi. Addım atırsan xərcdir. Onun kimi iş tək-tük adamlar edir. Amma 100 min baxışı yoxdur. Başqası bir "çırtma" vurur milyon dəfə izlənir.
Elnarə Xəlilova bir yaxşı söz işlətdi: brilyant mağazasına gündə bir, adi aksesuar yerinə isə 50 adam girir. Musiqi də elədir. Məni bəyənməyənlərin zövqü yoxdur".
