Ağcabədidə musiqi məktəbinin binasında yanğın olub

06.12.2018 | 25 | 0

Ağcabədi rayonunun Boyat kəndində yerləşən uşaq musiqi məktəbinin binasında yanğın baş verib.

"Report"un Qarabağ bürosunun verdiyi məlumata görə, 120 şagird yerlik məktəb binasının dam örtüyündə başlayan yanğın geniş əraziyə yayılıb. Yanğına ilk müdaxiləni kənd sakinləri ediblər.

Hadisə yerinə Ağcabədi Dövlət Yanğından Mühafizə Hissəsinin yanğınsöndürən maşınları da gəlib.

Yanğın söndürülüb. Yanğına məktəb binasının damında elektrik xəttində qısaqapanmanın səbəb olduğu ehtimal edilir.

Yerli sakinlərin sözlərinə görə, yanğın nəticəsində təhsil ocağına ciddi ziyan dəyib.

Nə düşünürsən?