Salyan rayonunda şagirdlərə açıq havada dərslər keçirilir.
A24.az xəbər verir ki, buna səbəb isə təmirə ayrılan orta məktəb binasının hələ də istifadəyə verilməməsidir. Soyuq hava şəraitində dərslərin müəllimlərə məxsus evlərin həyətlərində keçirilməsi valideynləri ciddi narahat edib. Bildirilib ki, soyuq hava şəraiti ilə əlaqədar həyətyani sahələrdə dərslərin tədris olunması şagirdlərin sağlamlığında bir sıra problem yaradıb. Məlumata görə, bəzi valideynlər aşağı sinif şagirdləri olan övladlarının həyətlərdə dərs almasının əleyhinədir. Buna səbəb isə şagirdlərin xəstələnərək xəstəxanalara yerləşdirilməsi olub.
Sözün əsl mənasında keçirilən “açıq dərs”lərin bayırda tədris olunmasının rayonun hansı kəndində baş verdiyi haqda məlumat yoxdur.
