Zaqatalada baş verən ağır yol qəzasında ölənlərin sayı iki nəfərə çatıb.
“Report”un Şəki-Zaqatala bürosunun məlumatına görə, müxtəlif dərəcəli ağır bədən xəsarətləri ilə Zaqatala Rayon Mərkəzi Xəstəxanasının Reanimasiya şöbəsində müalicə alan 21 yaşlı Amid Şabanov gecə saat 1 radələrində ölüb.
Hadisə dünən axşam, saat 22 radələrində Zaqatala-Danaçı-Aşağı Çardaqlar avtomobil yolunun Danaçı kəndi ərazisindən keçən hissəsində baş verib.
Faktla bağlı Zaqatala rayon Polis Şöbəsində araşdırma aparılır.
