Ötən gecə Londonda yaşayan müsəlmanlara hücum edilib.
Milli.Az xarici mətbuata istinadla xəbər verir ki, sürücü qəsdən qırmızı "Nissan" markalı avtomobilini Londonun şimal-qərbindəki məsciddən çıxan insanların üstünə sürüb. O, səkiyə dırmaşaraq müsəlmanları əzib. Hadisə nəticəsində 5 nəfər yaralanıb. Onlardan 3-nün vəziyyəti ağırdır.
Sürücü hadisə yerindən qaçmaq istəsə də, o, polislər tərəfindən saxlanılıb.
Avtomobildə onunla yanaşı başqa 2 nəfər də olub. Sürücü avtomobili piyadaların üstünə sürərkən müsəlmanları təhqir edəcək ifadələr işlədib.
Londondakı müsəlman icmasının sədri açıqlamasında bildirib ki, hücum edən şəxslərin 3-ü də qafqazlıdır.
Hadisə ilə bağlı araşdırma aparılır.