Əməkdar artist Münəvvər Əliyeva gənc aktrisaları tənqid edib.
Axşam.az-ın məlumatına görə, aktrisa bu haqda “Bizimləsən” proqramında danışıb. O, gənc aktrisaları qeyri-peşəkar adlandırıb:
“Keçən dəfə bir verilişə dəvət etmişdiniz. Bizimlə üzbəüz oturanlar sənəti yiyələnməyən, amma altlarında maşın olanlar idi. Pul buraxıb film çəkdirirlər. Bu tərəfdə isə ömrünü sənətə həsr edənlər idi. Xalq, əməkdar artistlərdi, altlarında maşınları yox, metro, marşrutla gedirlər. Orada acınacaqlı veriliş idi. Qarşımızda oturan model aktrisalar necə danışırdılar. Onlara baxanda az qalırıq qarşılarında baş əyək”.
Qeyd edək ki, "Bizimləsən" proqramının aylar əvvəlki buraxılışında xalq artisti Kybra Əliyeva, əməkdar artist Mehriban Xanlarova, aktrisa Münəvvəl Əliyeva və gənc aktrisalar Pərvin Abıyeva, Natavan Əfəndiyeva, Fidan Axundova qonaq olmuşdular.
