ATƏT-in Minsk qrupundan XİN başçılarının görüşü ilə bağlı bəyanat

  • 31.10.2020
  • 0

ATƏT-in Minsk qrupunun həmsədrləri Cenevrədə baş tutan Azərbaycan və Ermənistan XİN başçılarının görüşü ilə bağlı bəyanat yayıb. Unikal.org xəbər verir ki, bununla bağlı ATƏT-in rəsmi saytında məlumat yerləşdirilib. Bəyanatda bildirilib ki, tərəflər bir sıra addımlar atmağa razılaşıblar: “Razılaşmaya əsasən, tərəflər beynəlxalq humanitar hüquqa uyğun olaraq qəsdən mülki əhalini və ya qeyri-hərbi obyektləri hədəf almayacaq. Bundan başqa, tərəflər Beynəlxalq Qırmızı Xaç Komitəsinə lazımi təhlükəsizlik zəmanətini verərək döyüş sahəsindəki qalıqların toplanmasında və mübadiləsində fəal iştirak edəcəklər. Tərəflər bir həftə ərzində BQXK-ya giriş və mümkün mübadilə üçün həbsdə olan əsirlərin siyahısını təqdim edəcəklər”. Eyni zamanda, tərəflər münaqişəsinin hərtərəfli həllin əsas elementləri ilə bağlı mövqelərini aydınlaşdırmağa yönəlmiş açıq və əsaslı danışıqlar aparacaqlar.

Nə düşünürsən?