Ən yeni məlumatlar, maraqlı videolar və son xəbərlər! 2015-ci ildə Birinci Avropa Oyunları zamanı Bakıya gələn erməni idmaçılardan biri hazırda işğalçı ordunun tərkibində Dağlıq Qarabağda Azərbaycan ordusuna qarşı döyüşür. Yeniavaz.com xəbər verir ki, 2015 Avropa Oyunları çərçivəsində Ermənistandan Bakıya gələn 18 idmançıdan biri də sambo idman növündə mübarizə aparan Sose Balasanyan olub. 1990-cı ildə anadan olan Sose Balasanyan 5 il əvvəl Azərbaycana Ermənistanı təmsil edən idmaçı kimi gəlib. Təqdim olunan rəsmi sənədlərdə Sose Balasanyanın paytaxt İrəvanda anadan olduğu və Ermənistan vətəndaşlığı daşıdığı qeyd olunub. Lakin, bugünlərdə Ermənistan və Rusiya mətbuatında yayımlanan xəbərlərdə Sose Balasanyanın “Stepanakert” (Xankəndi) sakini olduğu və döyüşmək üçün cəbhəyə gönüllü olaraq gəldiyi barədə məlumatlar yayılıb. Belə görünür ki, hazırda Qarabağda “öz torpaqlarımız müdafiə edirik” deyən “döyüşçülər” Sose Balasanyan kimi Ermənistan vətəndaşlarıdır.

Telegram kanalımızı izləyin