"99PE437" hesabı ilə qeydiyyat keçən sosial şəbəkə istifadəçisi ayaqlarının hər ikisini qaldırıb avtomobilin cihazlar panelinin üzərinə qoyaraq avtomobil idarə etməsinin videosunu sosial şəbəkələrdə paylaşıb. Görünən odur ki, sürücü avtomobili "avtopilot" rejimində idarə edir. Bəs gözlənilməz situasiya zamanı, məsələn yola qəfil heyvan çıxsa o zaman necə edəcək? Onun ayaqlarını aşağı salıb əyləci basmağa zamanı yetəcəkmi? Bu halda qəza baş versə onu hansı faciənin gözlədiyindən xəbəri varmı? Hələ məsələnin qanuna zidd tərəfi də bir yana.
