Bu gün 15 sentyabr təhsil ilinin başlanması ilə əlaqədar Bakı Şəhəri Baş Dövlət Yol Polisi idarəsi gücləndirilmiş iş rejimində fəaliyyət göstərib. Qurumdan YPX.AZ-a verilən məlumata əsasən paytaxtın demək olar ki, bütün təhsil ocaqlarının qarşısına əlavə ekipaj təyin olunub. Onlar ərazidə xidmət apararaq sıxlığın yaranmamasını, avtomobillərin həmin ərazilərdən rahat gedə bilməsini, piyadaların daha təhlükəsiz keçə bilməsini təmin ediblər.
