Rayonlara avtobuslar fəaliyyət göstərmədiyindən vətəndaşlar şəhərlərarası işləyən taksilərə üz tutur. Xezerxeber.az-ın məlumatına görə, bu gündən rayonlara gediş- gəliş üçün qoyulan qadağa götürülsə də, şəhərlərarası işləyən taksilərdən istifadə edənlər adi günlərdən fərqlənmir. Sürücülər deyirlər ki, bu gün müştərilərinin çox olacağını gözləsələr də rayonlara üz tutanların sayı elə də çox olmayıb. Vətəndaşlar isə bildirirlər ki, əvvəlki günlərdə gediş haqqında qiymət fərqi bütün rayonlar üzrə müşahidə edilib. Lakin hazırda tələbat az olduğundan qiymət bahalaşması yoxdur. Sürücülərin sözlərinə görə, yollar bağlı olduğu müddətdə az sayda sərnişinlə eyni yolu getdiklərindən qiymətdə fərq olub. Hazırda isə tələbin az olması ilə qiymətlər əvvəlki qaydada saxlanılıb. Sürücülər hazırda sxılığın müşahidə edilmədiyini, həftəsonları isə müraciətlərin çox olacağını deyirlər. Xezerxeber.az mövzu ilə bağlı daha ətraflı videomaterialı təqdim edir:

Telegram kanalımızı izləyin