“Microsoft Word”də yenilik

“Microsoft Word”də yenilik

  • 28.08.2020
  • 737 baxış
  • 0

"Microsoft” şirkəti "Word” ("Office” proqramlar paketinə daxildir) mətn redaktorunda səs yazılarının deşifrə edilməsi funksiyasını tətbiq edib. Bu haqda "Microsoft”un bloqunda məlumat verilib. Xezerxeber.az xarici saytlara istinadən xəbər verir ki, "Transcribe” adlandırılmış xidmət həm mp3, wav, m4a və ya mp4 formatında yüklənmiş kənar səs fayllarını, həm də birbaşa "Word” vasitəsilə edilmiş səs yazılarını deşifrə edir. Hazır mətni redaktə etmək və əsas sənədə əlavə etmək mümkündür. Söhbətdə iki nəfər iştirak edirsə, onda "Transcribe” xidməti hər bir həmsöhbətin replikalarını nişanlayır. Hələ ki "Transcribe” funksiyası yalnız "Word 365” veb-versiyasında işləyir. Ancaq bir sıra məhdudiyyətlər var. Məsələn, istifadəçilərə yalnız ingilis dilində olan səs yazılarının deşifrə edilməsi əlçatandır. Bundan başqa, deşifrə üçün faylın maksimal ölçüsü 200 MB-ı ötməməlidir və deşifrə müddəti ayda ən çox 5 saat təşkil edir. Şirkət 2020-ci ilin sonunadək "Transcribe” xidmətinin mobil versiyasını təqdim etməyə söz verir.

Nə düşünürsən?