İctimai iaşə müəssisələrində əməl edilməsi vacib qaydalar

  • 17.08.2020
  • 59 baxış
  • 0

18 avqustdan etibarən açılacaq kafe və restoranların necə fəaliyyət göstərəcəyinə aydınlıq gəlib. Qida Təhlükəsizliyi Agentliyinin yaydığı məlumatda bildirilir ki, pandemiya dövrünün tələbləri nəzərə alınaraq xüsusi qaydalar tətbiq edilib. Açıq havada fəaliyyət göstərən kafe və restoranlardabu qaydalara riayət olunmalıdır. Qarşıdaki günlərdə fəaliyyətini bərpa edəcək kafe və restoranlarda müştəri qəbulu 2 dəfəyədək azaldılacaq. Ancaq iaşə obyektlərinin işini bərpa etmə prossesində əməl edəcəkləri tək qayda bundan ibarət deyil. Qida Təhlükəsizliyi Agentliyinin şöbə müdiri Ramazan Nəbiyev bildirir ki, kafe və restoranların açıq ərazilərində hər masanın arasında məsafə 2 metr, oturacaqların arasındaki məsafə isə 1 metr olmalıdır. Fəaliyyətə başlayacaq olan müəsisələr hər bir masanın üzərində dezinfeksiya edici məhlul qoymalı və müəssisədəmütəmadi olaraq təmizlik işləri aparmalıdır. Bundan başqa müştərilərin də əməl etməli olduqları qaydalar var. Hər bir müştəri kafeyə girən zaman mütləq tibbi maskadan istifadə etməlidir.

Nə düşünürsən?