Bermud adalarında yaşayan Mark Rober adlı yutuber təhlükəli eksperiment həyata keçirib. BiG.AZ Sonxeber.az-a istinadən xəbər verir ki, köpəkbalığının qidalanma üstünlüklərini tapmaq üçün keçmiş NASA mühəndisi Mark Rober okeana insan və balıq qanı töküb. Təhlükəli eksperimenti özünün "Youtube" kanalında paylaşan Rober əvvəlcə təcrübəyə nasos sistemi olan sörfinq taxtalarını hazırlamaqla başlıyıb, daha sonra sörfinq taxtalarındakı nasoslarla insan və balıq qanlarını okeana buraxıb. O, keçirdiyi ekspirimenti dronla qeydə alıb. Eksperimentdə köpəkbalıqları balıq qanına üstünlük verib. Onlar balıq qanı olan sörfinq taxtasına 134 dəfə, insan və inək qanlarının qarışığı olan digər sörfinq taxtasına isə 20 dəfə yaxınlaşıblar.
