Yenilik.az xəbər verir ki, son zamanlar qalmaqallı və sərt açıqlamaları ilə gündəmə gələn, blogger kimi məşhurlaşan Sevinc Hüseynova karantin müddətində 29 yaşını yaxınlarının və dostlarının iştirakı ilə qeyd edib. Həmin tədbirlə bağlı video sosial şəbəkələrdə birmənalı qarşılanmayıb və sosial şəbəkə istifadəçilərinin bir çoxu xanımın və ad günü tədbiri keçirilən məkan sahibi haqqında nəyə görə tədbir görülmədiyi və ya tədbir görülübsə ictimaiyyətə məlumat verilmədiyini anlamadıqlarını bildiriblər. Qeyd edək ki, ölkədə tətbiq olunan xüsusi karantin rejimi ilə bağlı kütləvi tədbirlərin, toy və yas mərasimlərinin keçirilməsinə qadağa qoyulub. Həmçinin qapalı məkanlarda maska taxılmaması, sosial məsafənin gözlənilməməsi xüsusi karantin rejimi tələblərinin pozulması hesab olunur.
