Moskva Azərbaycanla atəşkəsin bərpasında xüsusi rol oynadı. Axar.az xəbər verir ki, bunu Ermənistan Baş naziri Nikol Paşinyan deyib. O, həmçinin atəşkəsin bərpasında Minsk Qrupunun həmsədrlərinin də mühüm rol oynadığını bildirib. Qeyd edək ki, 12 iyulda ermənilərin Tovuza hücumu və hərbi təxribatı nəticəsində Azərbaycan Ordusunun yüksək rütbəli zabitləri şəhid oldu. Bunun ardınca Azərbaycan Ordusu təxribatın qarşısını almaqla bərabər, təmas xəttinin dərinliklərində yerləşən erməni ordusunun kazarma, atəş nöqtəsi və qərargahlarına ağır zərbələr endirdi. Bir neçə gün davam edən bu zərbələr nəticəsində ermənilərin onlarla hərbi texnikası və yüzlərlə canlı qüvvəsi məhv edildi.
