Ermənistanın Stepanavan rayonunda koronavirusa görə maska taxmayan sakinlərlə polis arasında toqquşma baş verib. Bu barədə “Facebook” istifadəçisi Suren Sarkisyan paylaşım edib. “Stepanavanda maskaya görə adamları sadəcə olaraq öldürürlər”,- o yazıb. S.Sarkisyanın paylaşdığı videoda yaşlı adamları saxlayı, maska taxmadıqları üçün polis bölməsinə aparmaq istəyirlər. Bu zaman qadınlar onların müdafiəsinə qalxır. Nəticədə polislərlə vətəndaşlar arasında toqquşma baş verir. Polis əməkdaşları yaşlı bir kişiyə güc tətbiq edir və o, yerə sərilir. (“Report”)
