Prezident yanında Vətəndaşlara Xidmət və Sosial İnnovasiyalar üzrə Dövlət Agentliyinin ("ASAN Xidmət") Elektron Hökumətin İnkişafı Mərkəzi, Respublika Xammal və Əmtəə Birjası, həmçinin aidiyyəti dövlət qurumlarının birgə əməkdaşlığı çərçivəsində "Elektron Hərrac” sistemi yaradılıb və pilot layihə olaraq istifadəyə verilib. Xezerxeber.az xəbər verir ki, artıq hərraclar eherrac.gov.az portalı üzərindən həyata keçiriləcək. Yeni sistem şəffaflığın təmin edilməsinə, hərracda insanların rahat və məhdudiyyətsiz iştirakına, o cümlədən uzaqda yaşayanların hərraca qatılmasına şərait yaradacaq, ölkədə əmlak bazarının inkişafına töhvə verəcək. Xezerxeber.az mövzu ilə bağlı daha ətraflı videomaterialı təqdim edir:
