"İndiki valideynlər deyir ki, uşaq müəllimdən qorxmamalıdır, hörmət etməlidir. I-V sinif uşağı bilmir hörmət nədir. Müəllimin şagirdə mütləq bir "çırtma"sı dəyməlidir".
Axşam.az xəbər verir ki, bu sözləri Əməkdar artist Cavanşir Məmmədov "Şans oyunu" proqramında qonaq olarkən deyib. Müğənni müəllimin şagirdi döyməsinə haqq qazandırıb:
"Vurmayanda şagird başlayır müəllimlə başqa cür rəftar etməyə. Bizə rəsmxətt fənni üzrə Sabir müəllim dərs keçirdi. O, şəkil çəkər, uşaqlar da öz işində olurdu. Bir az sərt olmaq lazımdır. Ancaq ədəbiyyat müəllimi Sara xanım daha sərt idi, uşaqlar ondan qorxurdu. O, güləndə sevinirdik ki, bu gün 2 almayacağıq, heç kim döyülməyəcək. Saysız-hesabsız dərsdən qaçmışam. Məktəbdən qovulana qədər olub".
