Dünyaca məşhur müğənni Cennifer Lopez və aktyor Ben Afflek arasında yenidən sevgi münasibətləri yaranıb.
“Qafqazinfo” xəbər verir ki, bundan 17 il əvvəl eşq yaşayan və daha sonra ayrılan cütlük uzun fasilədən sonra münasibətlərini bərpa etmək qərarına gəlib.
Günlərdir qərb KİV orqanlarında yayılan məlumatlar öz təsdiqini tapıb. Belə ki, iki məşhur sima Malibudakı restoranların birində öpüşərkən görüntülənib. Onların həmin videosu qısa müddətdə Amerika mətbuatında dərc edilməyə başlayıb.
Qeyd edək ki, sənətçinin nişanlısı, keçmiş beyzbol oyunçusu Aleks Rodrigez tərəfindən xəyanətə məruz qaldığı barədə məlumat yayılmış, cütlük bu ilin martında ayrılmışdı.
