Sumqayıtda yük maşını kişini vuraraq üstündən keçib.
APA TV-nin yerli bürosunun məlumatına görə, hadisə şəhərin Məhəmməd Əsədov küçəsində qeydə alınıb.
Ərazidə təmizlik işləri aparan dəmir qapı ustası, 1955-ci il təvəllüdlü Abdullayev Məmməd Əli oğlunu “Zil” markalı yük avtomobili vuraraq üstündən keçib. O, hadisə yerindəcə dünyasını dəyişib. Meyit müayinə olunmaq üçün aidiyyatı üzrə təhvil verilib.
Faktla bağlı araşdırma aparılır.