Şok əməliyyat: Polis onu tutdu

  • 07.01.2021
  • 3.5K baxış
  • 0

Şəmkirdə bibisinin evini qarət edən şəxs saxlanılıb. APA TV-nin yerli bürosunun xəbərinə görə, rayon Polis Şöbəsinin əməkdaşlarının keçirdikləri əməliyyat-axtarış tədbirləri nəticəsində Şiştəpə kəndində oğurluq edən 23 yaşlı Elşən Həsənov tutulub. Araşdırmalar zamanı məlum olub ki, o, ötən ilin dekabr ayının 28-də kənddə, bibisinə məxsus evdən 1500 manat dəyərində qızıl-zinət əşyalarını oğurlayıb. Müstəntiq Rauf Sadıqov deyir ki, davam etdirilən istintaq-əməliyyat tədbirləri nəticəsində onun cari ilin yanvar ayında da eyni ünvandan 1800 manat nağd pul və 7000 manat dəyərində qızıl-zinət əşyalarını oğurladığı və evi yandırmaq istədiyi məlum olub: “Oğurluq yolla əldə edilən qızıl-zinət əşyalarının bir qismi isti izlərlə tapılaraq maddi sübut kimi tanınıb və işə əlavə edilib”. Saxlanılaraq istintaqa təhvil verilən Elşən Həsənov oğurladığı qızılların bir qismini lombarda girov qoyduğunu və əldə etdiyi pulları xərclədiyini bildirib: “Fikirləşdim ki, necə edim bilməsinlər. Aynanı açdım, içəri butulkada benzin töküb yandırdım. Ancaq yandıran vaxt tez aynanı örtüm. Dedim qoy tez keçsin, hava olmasın keçsin. Həmin vaxt sumkanı və digər əşyaları da götürdüm”. Faktla bağlı cinayət iş açılıb, istintaq davam etdirilir.

Nə düşünürsən?