Magistral yolda sərnişin avtobusunun yüksək sürətlə hərəkət etdiyi qeydə alınıb. Xezerxeber.az məlumat verir ki, bu barədə görüntünü avtobusun arxası ilə hərəkət edən sürücülərdən biri qeydə alaraq "Xəzər Xəbər"in votsap nömrəsinə göndərib. Kadrlardan məlum olur ki, magistral yolda 150 km/saatla hərəkət edən minik avtomobili sərnişin avtobusuna çata bilmir. Çəkilişi aparan sürücünün şərhindən aydın olur ki, 90 VM 403 dövlət nömrə nişanlı sərnişin avtobusu 110 km/saatlıq yolda 150 km/saatdan da yüksək sürətlə hərəkət edir. "150 ilə gedirəm, çata bilmirəm. Sərnişinləri belə aparırlar",-deyə sürücü qeyd edir.
