Salyanda kütləvi dava olub - 2 NƏFƏR BIÇAQLANIB

  • 25.01.2018
  • 0

Salyan rayonunda baş verən kütləvi davada 2 nəfər bıçaqlanıb. APA TV-nin Mil-Muğan bürosunun məlumatına görə, Salyan sakinləri olan 20 yaşlı Cəfərov Nurməmməd Telman oğlu və 22 yaşlı Abdullayev Toğrul İlham oğlu dava zamanı adı hələlik açıqlanmayan bir rayon sakini tərəfindən bıçaqlanıb. Onlar Salyan Mərkəzi Rayon Xəstəxanasına çatdırılıb. Yeddi bıçaq xəsarəti yetirilən Nurməmməd Cəfərov cərrahiyyə əməliyyatından sonra reanimasiya şöbəsinə yerləşdirilib. Həkimlər onun vəziyyətini ağır qiymətləndirir. Döş qəfəsindən bir bıçaq xəsarəti alan Toğrul Abdullayevin də müalicəsi reanimasiya şöbəsində davam etdirilir. Hadisə ilə əlaqəli 4 nəfərin şübhəli şəxs qismində saxlanıldığı deyilir. Faktla bağlı araşdırma aparılır.

Nə düşünürsən?