Göygöldə yol-nəqliyyat hadisəsi baş verib.
APA TV-nin yerli bürosunun məlumatına görə, hadisə Gəncə-Daşkəsən avtomobil yolunun rayonun Yeni Qızılca kəndindən keçən hissəsində qeydə alınıb. Belə ki, iki minik avtomobili toqquşub.
Qəza zamanı 1957-ci il təvəllüdlü Hidayət İbrahimov və 1977-ci il təvəllüdlü Nazlı İbrahimova xəsarət alaraq xəstəxanaya yerləşdirilib.
Hadisə yerinə DYP əməkdaşları cəlb olunub.
Faktla bağlı araşdırma aparılır.